مكرونة بالبشاميل هى وصفتنا اليوم فى مطبخ شموس نت معكرونة بالبشاميل من
احلى الاطباق التى يعشقها فتكات الكبير والصغير نضع لكم افضل واجمل طريقة
لعمل صنية المكرونة بالحمة المفرومة والبشاميل نضع لكم بعض اللمسات التى
تعطى مزاق رائع ومختلف لن تجدها سوا فى شموس نت الان اترككم مع
وصفة طريقة عمل المكرونة بالحمة المفرومة والبشاميل عليها اتمنى ان تنال
اعجابكم وبالف هنا وشفا على صحتكم وعفيتكم .
طبعا المكونات المكتوبة دى هتعمل صنية كبيرة حلوة تكفى 5 افراد
اولا مكونات تعصيج اللحمة
1- نص كيلو لحمة
2- معلقة زبدة كبيرة
3- بصلة + طمطماية + فلفلاية { مقطعين تقطيع صغير }
4- التوابل { ملح - فلفل اسود - بهرات }
طريقة طهى اللحمة
هنجيب حلة ونضع بها الزبدة على النار
نضع البصل + الطماطم + الفلفل الاخضر نقوم بالتقليب حتى التدبيل ثم نقوم
بوضع اللحمة عليهم مع التقليب لمدة نصف ساعة ثم نقوم بوضع التوابل بتاعتنا
على حسب الرغبة وكدة اللحمة المفرومة بتاعتنا اتعصجت نيجى للمكرونة
طبعا سليق المكرونة مفيش اسهل منة
صحيح مقدار الوصفة هنجيب كيلو الة ربع مكرونة اقلام
نضع حلة بها ماء على النار مع ورقة لورا فى الماء اثناء الغلى نقوم بوضع
المكرونة لمدة ربع ساعة مع التقليب وبعدين نصفى المكرونة وبدوووون غسل
المكرونة بالبشاميل مش هنغسل المكرونة هنكتفى بتصفيتها فقط
وكدة مش ناقص غير طريقة عمل خلطة البشاميل
طريقة عمل صلصة البشاميل بالطريقة الصحيحة بالصور
نيجى بقى لطريقة رص صنية المكرونة
هنضيف ربع كمية الباشميل على المكرونة ونقلبها كويس
هنجيب صنية ونحط فيها معلقتين كبار من صلصة البشاميل ونوزعهم فى الصنية
نضع نصف كمية المكرونة ثم نقوم بوضع اللحمة المفرومة المعصجة
هنضيف فوق اللحمة اربع معالق من خالة الباشميل ونوزعهم عليها
نضيف نصف باقى المكرونة وبعدين نضيف باقى الباشميل على الوش وكدة تبقى انتهيت الصنية نيجى لطريقة التسوية واللمسات
طريقة التسوية
هنحمى الفرن على درجة حرارة 160 هندخل الصنية من تحت لمدة 20 دقيقة وبعدين
هنخرجها ونكون محضرين بيضة عليها ملح وفلفل مضروبين فى بعض ونفردها على وش
الصنية ونضيف من فوقها شويت جبنة موزاريلا + جبنة رومى وبعدين ندخلها من
فوق 15 دقيقة تحت الشواية وبعدين نطلعها ونسيبها تتهوى ملحوظة هامة :-
لنجاح الوصفة طبعا فى ناس كتير مش بتطلع معاهم سليمة وبتتفرفت ودة بيكون
حاجة من الحاجتين ياما الباشميل خفيف على الوش ياما بتقطع الصنية وهيا سخنة
فنصيحة لآزم الباشميل يكون مغطى الوش باكملة + عدم تقطيع الصنية وهيا سخنة
اتبع التعليمات وهتاكلى احلى صنية مكرونة بالبشاميل فى عمرك .
ودة الشكل النهائى لصنية المكرونة وبالف هنا وشفا
